Naghain ng reklamo ang isang tourist bus driver matapos umanong pagpapaluin ng baseball bat ng apat na pulis sa Panglao, Bohol kamakailan.
Ayon sa Drayber na si Jeffrey Sarabia, desidido syang sampahan ng reklamo ang apat na pulis dahil sa pananakit sa kanya para lamang paaminin sa kasalanang hindi naman daw nya ginawa.
Sa salaysay ni Sarabia, nawalan ng 2,500 ang isa sa kanyang pasaherong turista dahil nakalimutan niyang i-lock ang kanilang sasakyan.
Agad naman daw itong inareglo ni Sarabia at nangakong babayaran ang turista pero ipina-blotter pa rin nito ang insidente na nauwi sa naturang pananakit ng mga pulis.
Kinilala naman ang isa sa mga inirereklamong pulis na si PO1 Heracleo Padillo Jr. na syang bumitbit kay Sarabia sa ikalawang palapag ng istasyon ng pulisya at doon sinaktan.
Ulat ni Jopel Pelenio
SMW: RPE
