Isinumite na ni Senador Juan Miguel Zubiri ang resolusyon niyang imbestigahan ang pagkasawi dahil sa umano’y hazing ni UST Law freshman student Horacio Castillo III.
Sa kaniyang privilege speech mahigpit na kinondena ni Zubiri ang brutal na pagpaslang kay Castillo dahil walang sinuman ang dapat mamatay sa hazing.
Nakakalungkot aniya ang ginawang pagpatay kay Castillo ng mga kapwa niyang fraternity member.
Dahil dito isinusulong din ni Zubiri at iba pang senador ang agarang pagpasa sa panukalang batas na naglalayong ma-amiyendahan ang Anti-Hazing Law para ganap na maipagbawal ang hazing at mas mapabigat ang parusa sa mga sangkot dito.
Nasa gallery ang kapatid ni Castillo na si Nicole na nag-o-OJT sa tanggapan ni Zubiri na naging kaklase naman ng ama ng hazing victim.
Ulat ni Cely Ortega-Bueno
