Nasa New York ngayon si Department of Foreign Affairs o DFA Secretary Alan Peter Cayetano para dumalo sa United Nations General Assembly sa susunod na linggo.
Ayon kay Cayetano, gagamitin rin niya ang pagkakataong ito upang kumonsulta sa iba pang ASEAN Foreign Ministers hinggil sa nangyayaring tensyon sa Korean Peninsula.
Ani Cayetano, nakatakda rin niyang pulungin ang kanyang mga counterparts sa mga bansang kasapi ng ASEAN upang talakayin ang serye ng missile tests ng North Korea.
Samantala, tiniyak ni Cayetano na mahigpit na mino-monitor ng Philippine Embassy sa Tokyo ang sitwasyon ng mga Pilipino doon matapos magpakawala ng panibagong ballistic missile ang North Korea na dumaan sa Japan.
—-
