May pananagutan ang gobyerno ng China sa pagpasok ng iligal na droga sa bansa.
Ito ang inihayag ni United States Ambassador to the Philippines Sung Kim kasunod na rin ng pagkakalusot ng mahigit na 6 na bilyong pisong halaga ng shabu sa bansa.
Ayon kay Kim, sinasabing halos lahat ng mga pumapasok na shabu sa bansa ay galing sa China.
Giit pa ni Kim, dapat na magpatupad ng mas mahigpit na batas ang gobyerno ng China para matigil na ang mga shipment ng iligal na droga mula sa kanilang bansa.
Magugunitang, nagpalabas na ng rekomendasyon ang Mababang Kapulungan ng Kongreso kaugnay sa nakapuslit na malaking halaga ng shabu shipment sa bansa habang nagpapatuloy pa rin ang imbestigasyon ng Senate Blue Ribbon Committee.
By Krista de Dios
