Naka Blue Alert status na ang ilang regional office ng National Disaster Risk Reduction and Management council o N.D.R.R.M.C. bilang paghahanda sa epekto ng bagyong Kiko.
Ayon kay N.D.R.R.M.C. Spokesperson Romina Marasigan, nakataas na ang alerto sa kanilang mga tanggapan sa Cordillera, Ilocos at Cagayan Valley Regions.
Bagaman hindi anya magla-landfall ang bagyo ay asahan pa rin ang katamtamang lakas ng buhos ng ulan dahil sa epekto ng Habagat.
Sa ngayon ay hindi pa naman pinapayuhang lumikas ang mga residenteng nakatira sa mga lugar na inaasahang ma-aapektuhan ng bagyo.
By: Drew Nacino / Jonathan Andal
SMW: RPE