Kinumpirma ng BI o Bureau of Immigration na walang record na nakalabas na ng bansa si Ozamiz City Councilor Ricardo “Ardot” Parojinog, kapatid ng napatay na si Mayor Reynaldo Parojinog Sr.
Ayon kay Immigration Spokesperson Antonette Mangrobang, batay sa kanilang record, nuong november 4, 2015 pa ang huling ‘arrival’ sa bansa ng nag ngangalang Ricardo Parojinog mula sa Beijing.
Nauna rito , inanunsiyo ni Pangulong Rodrigo Duterte na naglaan siya ng 5 Milyong Pisong reward para sa pag aresto ni Councilor Parojinog na nananatiling at-large matapos ang isinagawang raid sa kanyang bahay sa ozamiz.
Una nang idinawit ang pamilya Parojinog sa illegal drug trade at iba pang iligal na aktibidad.
By: Arianne Palma
SMW: RPE
