Mananatili sa kustodiya ng Senado ang dalawang Chinese nationals na sina Richard Chen o Chen Ju Long at Manny Li.
Ito, ayon kay Senator Richard Gordon, ay dahil hindi pa rin nagsasalita ang mga ito hinggil sa kanilang mga nalalaman sa pagkakalusot ng mahigit 600 kilo ng shabu sa Bureau of Customs o BOC.
Magugunitang ipinag-utos ni Gordon, Chairman ng Senate Blue Ribbon Committee, ang pag-detine sa dalawa dahil sa paulit-ulit na pagtanggi na may kinalaman sila sa pagkakapuslit ng droga at pag-iwas sa mga tanong ng mga senador.
Inaasahang gigisahin muli ng komite ngayong araw na ito ang dalawang Tsino tungkol pa rin sa naturang usapin.
By Gilbert Perdez
