Inter-continental ballistic missile ng North Korea tatapatan ng US

Isinailalim na ng Amerika sa test ang kanilang terminal high altitude area defense o THAAD system sa gitna ng tensyon sa Korean Peninsula.

Ito ang tugon ng Estados Unidos sa pagpapakawala ng inter-continental ballistic missile ng North Korea noong Hulyo 4.

Ayon sa US Missile Defense Agency, nagtagumpay ang THAAD system sa pagpapabagsak ng isang paparating na intermediate-range ballistic missile.

Indikasyon ito na kaya ring pabagsakin ng THAAD ang mga paparating na missile mula NoKor.

Magugunitang idineploy ng US ang THAAD sa Guam at South Korea upang magbigay seguridad laban sa bantang digmaan ng North Korea.

By  Drew Nacino   

Comments

comments