Ilang bakanteng posisyon sa gobyerno pinunan na ni Pangulong Duterte

Pinunan na ng Pangulong Rodrigo Duterte ang marami pang bakanteng puwesto sa gobyerno.

Kabilang sa mga itinalaga ng Pangulo sina dating MMDA Chairman Francis Tolentino bilang Presidential Political Adviser at Amable Aguiluz bilang Special Envoy of the President to the Gulf Cooperation Council.

Kasama sa listahan ng appointees sina Gelacio Bonggat Atexzel Hernandez na kapwa Director 1 ng NBI at Michelle Ortega bilang Assistant Secretary ng Department of Tourism.

Una nang itinalaga ng Pangulo si dating General Dionisio Santiago bilang hepe ng DDB o Dangerous Drugs Board.

Sinabi ng Palasyo na marami pang bakanteng puwesto sa gobyerno ang dapat mapunan subalit maingat sila sa pagsala at pag review sa kuwalipikasyon ng mga aplikante.

By: Judith Larino / Aileen Taliping

Comments

comments