Mahigit 4 na kilong shabu nakumpiska sa Quezon City

Aabot sa mahigit apat na kilong shabu na nagkakahalaga ng labing isang milyong piso ang nakumpiska sa isang buy-bust operation sa isang condominium unit sa Quezon City.

Ayon kay NCRPO spokesperson chief inspector Kimberly Molitas, naaresto sa nasabing operasyon ang mga suspek na kinilalang sina Junmar Gopo, Darwin Lazarte at Eugene Ludovice.

Nakuha sa mga ito ang limang transparent bag na naglalaman ng hinihinalang shabu na tinatayang 4.6 kilo ang bigat.

Nakakulong na sa Northern Police District Headquarters sa Caloocan City ang tatlong suspek at sasampahan ng kasong paglabag sa dangerous drugs act.

By Meann Tanbio

Comments

comments