Mariing kinondena ng Department of Finance ang ginawang pamamaril sa isang opisyal ng BIR o Bureau of Internal Revenue na nagresulta sa pagkasawi nito.
Kasabay nito, humingi ng tulong si Finance Secretary Carlos Dominguez sa mga alagad ng batas na imbestigahan ang magkahiwalay na insidente at papanagutin ang mga nasa likod nito.
Batay sa natanggap na ulat ni Dominguez, binaril ng mga hindi pa natukoy na salarin ang assessment division chief ng BIR Revenue District Office 28 na si Albert Enriquez sa panulukan ng West at Quezon Avenue sa Quezon City.
Una rito, nabaril din ang BIR Regional Director 8 – Makati City na si Jonas Amora sa Katipunan Avenue nuong Nobyembre 21 nuong isang taon gayundin si Customs Deputy Commissioner Art Lachica nuong Nobyembre 17 ng nakalipas ding taon.
By: Jaymark Dagala
