Ariana Grande emosyonal sa One Love Manchester concert

Naging emosyonal ang isinagawang benefit concert ni US pop singer Ariana Grande sa Manchester.

Umabot sa mahigit limampung libong (50,000) fans ang nagsama-sama sa One Love Manchester Concert ni Ariana bilang tulong na rin sa mga biktima ng suicide bombing sa kanyang concert nitong nakalipas na dalawang linggo.

Inawit ni Ariana na puno ng emosyon at mensahe ng pasasalamat ang bawat kanta sa nasabing benefit concert.

Kabilang sa mga nakiisa sa nasabing benefit concert sina Justin Bieber, Katy Perry, Miley Cyrus, Coldplay, Pharrell Williams, Usher at Black Eyed Peas.

Magugunitang dalawampu’t dalawa (22) katao ang nasawi sa suicide attack noong May 22 pagkatapos ng concert ni Ariana.

By  Judith Larino

Comments

comments