Patay sa shootout ang isang hinihinalang miyembro ng Abu Sayyaf Group o ASG sa Davao City.
Kinilala ang napatay sa alyas lamang nitong “Bin Ladin”.
Batay sa inisyal na imbestigasyon, sakay ng motorsiklo si Bin Laden na minamaneho ng isang kasamahan nito at nilagpasan ang checkpoint ng mga otoridad.
Pinaputukan din ni Bin Ladin ang mga rumespondeng pulis kaya’t napilitan ang mga otoridad na gumanti ng putok.
Tinamaan at nasawi si Bin Ladin habang nakatakas naman ang nagmamaneho ng motorsiklo.
Narekober naman sa suspek ang ilang armas at gamit sa paggawa ng bomba gaya ng 60-milimeter mortar na tuylad ng ginamit sa pagpapasabog sa Roxas Night Market sa Davao City noong nakaraang taon.
By Ralph Obina
