Walang ipatutupad na signal jamming ang PNP o Philippine National Police sa panahon ng ASEAN Summit mula ngayong araw hanggang sa Sabado.
Ito ang nilinaw ni NCRPO Chief, Director Oscar Albayalde sa dahilang kinakailangan din ng mga heads of state gayundin ng mga delegado ang cellphone signal sa mga nabanggit na araw.
Sa panig naman ni PNP Spokesman Sr/supt. Dionardo Carlos, patuloy nilang oobserbahan ang sitwasyon kung may pangangailangang mag-jam ng signal.
Paalala naman ni Albayalde sa publiko na epektibo na mula kahapon ang no fly zone at no sail zone sa mga lugar na pagdarausan ng nasabing okasyon.
By: Jaymark Dagala / Jonathan Andal
