Nakumpiska ng mga kawani ng PDEA o Philippine Drug Enforcement Agency ARMM, sa isang raid sa Talitay, Maguindanao; ang shabu na nagkakahalaga ng P1.5-M at mga armas.
Ayon sa report, nakatakas mula sa otoridad ang drug lord na target ng operasyon na si Madato Piang Buisan alyas Kobie, subalit naaresto naman ang kanyang asawa na si Arbaya.
Maliban sa isang daang (100) gramong shabu, nakuha rin ng mga otoridad ang dalawang assault rifles kung saan ang isa ay may kasamang grenade launcher, ilang rifle grenades, mga bala, pera at telepono.
By Katrina Valle
