Tiniyak ng Department of Health (DOH) na nananatiling ligtas ang Pilipinas sa Middle East Respiratory Sydrome-Corona Virus o MERS-CoV.
Ito ang sinabi ni DOH Spokesperson Doctor Lyndon Lee Suy, kasunod ng pagne-negatibo sa MERS-CoV ng 3 South Koreans na naunang kinakitaan ng simtomas ng nakamamatay na sakit.
Ayon kay Lee Suy, walang MERS-CoV ang 3 Koreano batay na rin sa lumabas na resulta ng kanilang lab tests.
Sa kasalukuyan, aniya, ginagamot na lang ang ubo, lagnat, at sipon ng tatlo at maaari na silang pauwiin.
Gayunpaman, dinagdag ni Lee Suy na mananatiling nakaalerto ang DOH upang mapigilan ang pagpasok ng MERS-CoV sa bansa.
By Avee Devierte | Aya Yupangco (Patrol 5)