Tinawag na ‘ampaw’ ni Senador Alan Peter Cayetano ang inilabas na ulat ng human rights watch na nagsabing posibleng kasuhan sa international court si Pangulong Rodrigo Duterte.
Ayon kay Cayetano, maliban sa kulang-kulang sa impormasyon, malinaw din aniya ang motibo ng grupo kaya’t inilabas ang nasabing ulat at iyon ay ang pagsasaligal ng paggamit ng droga.
Kasunod nito, sinabi ni Cayetano na tanging ang panig lamang ng mga kaanak ng nasawing mga biktima ang kinuha ng grupo at hindi ito kailanman humingi ng panig mula sa mga nasa pamahalaan.
Magugunitang maliban sa pagpapanagot kay Pangulong Duterte, ipinunto rin nila na maaaring ituring na crimes against humanity ang kaliwa’t kanang pagpatay bunsod ng kampaniya kontra droga ng pamahalaan.
By Jaymark Dagala
