Opisyal nang inanunsyo ang pagbabalik-‘The Voice’ ni pop star royalty Sarah Geronimo.
Kinumpirma ito ni Sarah kasabay ng pagsabing super excited siyang magbalik sa isa sa mga sikat na talent show na aniya’y para sa mga aspiring singer na tulad niya na nangangarap makilala sa larangan ng pagkanta.
Deadma din si Sarah G. sa kanyang mga kritiko na kinukuwestyon ang kanyang kredibilidad bilang isang The Voice judge, hindi aniya si magpapa-pressure ngayon at magfo-focus lang sa talento ng mga sasali.
Isa si Sarah sa orihinal na mentors ng The Voice Kids kasama sina Lea Salonga, Bamboo Mañalac at Apl.de.ap ngunit noong nakaraang taon si Sharon Cuneta muna ang pumalit kay Sarah dahil nag-desisyon itong mag-focus muna sa kanyang career bilang mang-aawit.
Para naman sa teen edition ng The Voice ngayong 2017, na kauna-unahan sa Asya, makakasama ni Sarah sina Lea, Sharon at Bamboo bilang mga coach.—AR
*Photo: Screengrab from Instagram
