Hinikayat ng DTI at Department of Trade and Industry ang mga may-ari ng malalaking mall sa bansa na suportahan ang programang “Go Locale” ng pamahalaan.
Ayon kay DTI Secretary Mon Lopez, magbibigay daan ang nasabing programa para sa mga maliliit na negosyante na maibenta sa mga mall ang mga lokal na produkto.
Partikular na makikinabang dito ayon kay Lopez ang mga nasa Micro, Small at Medium Enterprises o SME’s na gumagawa ng mga ‘tatak pinoy’ na produkto.
Maliban sa maipakikilala nito ang mga produktong pinoy, naniniwala si Lopez na makalilikha rin ito ng karagdagang trabaho para sa mga Pilipino.
By Jaymark Dagala | With Report from Allan Francisco
