Labing walong (18) mga estudyante sa Davao City ang nalason dahil sa ininom na shake.
Ayon sa principal ng Don Francisco Dizon Senior Elementary School, sumakit ang tiyan ng mga bata matapos na inumin ang kanilang biniling shake sa labas ng paaralan .
Agad na isinugod sa Southern Philippines Medical Center ang mga estudyante para obserbahan.
Samantala, napag-alaman ng mga otoridad na expired na ang powder shake na ginamit sa inumin ng mga bata.
Hawak na ng mga otoridad ang may-ari ng tindahan habang nagpapatuloy ang imbestigasyon sa insidente.
By Rianne Briones
