Inilabas na ng Department of Interior and Local Government o DILG ang listahan ng mga kalsada at lugar na isasara para sa ASEAN summit mula Nobyembre 8 hanggang Nobyembre 15.
Kabilang dito ang CCP complex at ang S-M-X-M-A-A-X block sa Pasay, city.
Isasailalim naman sa total lockdown ang Roxas Boulevard mula Padre Burgos Avenue hanggang Buendia sa Nobyembre 13, alas 12:00 ng madaling araw.
Bubuksan muli ang trapiko sa Roxas Boulevard pagsapit ng alas 12:00 ng tanghali sa kaparehong araw.
Ayon kay DILG OIC Undersecretary Catalino Cuy, sa oras ng lockdown tanging mga pedestrian at sasakyang may ASEAN ID lamang ang papapasukin sa mga nabanggit na lugar.