Inireklamo ng MRPO o Movement for the Restoration of Peace and Order sa Senado ang mabagal na pag-aksyon ng pulis sa mga inire-report nilang kasong kidnapping.
Sa kanyang pagharap sa Senate Committee on Peace and Order, binigyang diin ni Ka Ken Chua, Chairman ng MRPO ang pagsisikap nilang makumbinsi ang maraming biktima ng kidnapping na makipag-ugnayan sa mga pulis.
Naging bahagi aniya ito ng kanilang adbokasiya dahil isa sa reklamo ng pulisya kung bakit hindi nila maresolba ang isang kaso ng kidnapping ay ang pagtanggi ng pamilya ng biktima na ibigay ang kanilang kooperasyon.
Gayunman, nang magtagumpay aniya silang makumbinsi ang mga pamilya ng biktima na makipagtulungan sa pulisya, wala namang naaresto o mabagal naman ang aksyon ng pulisya.
Bahagi ng pahayag ni Mr. Chua ng MRPO
By Len Aguirre
