Pinakalma ng Malacañang ang publiko, laban sa pangambang makalusot sa bansa ang sakit na Middle East Respiratory Syndrome (MERS).
Ayon kay Presidential Communications Sec. Sonny Coloma, nakaalerto at mahigpit na nagbabantay ang Department of Health at Department of Foreign Affairs, laban sa sakit.
Mayroon na aniyang team ang DOH sa Saudi Arabia, na tumutulong sa DFA na tuntunin ang mga pinagta-trabahuhan ng health workers doon.
Tiniyak din ni Coloma na nakahanda ang pamahalaan na magbigay ng anumang tulong, para masigurong ligtas mula sa sakit, ang mga Pilipino.
By Katrina Valle | Aileen Taliping (Patrol 23)
