Pinakakastigo ni Finance Secretary Carlos Dominguez ang ilang opisyal na nasa ilalim ng kanilang kagawaran makaraang mapatunayan ang pagkakasangkot sa katiwalian.
Partikular na pinasisibak ng kalihim ang Operations Officer ng Bureau of Customs na si Minoao Calandada dahil sa maling deklarasyon ito ng kaniyang yaman sa Statement of Assets, Liabilities and Networth o SALN.
Sibak din sa puwesto sa Bureau of Local Government Finance ang 2 municipal treasurers na sina Ananie Raluto ng Zamboanga del Norte at Eddie Rodriguez ng Occidental Mindoro.
Napatunayang nasangkot si Raluto sa maanomalyang pagbili ng petrolyo habang sabit sa kontrobersyal na fertilizer fund scam si Rodriguez.
Iginiit ng kalihim na ang nasabing hakbang ay bilang bahagi ng paglilinis ng Finance Department sa kanilang hanay mula sa katiwalian.
By: Jaymark Dagala
