Hihilingin ng mga opisyal ng Commission on Higher Education kay Pangulong Rodrigo Duterte na magtalaga ng Officer-in-Charge kapalit ni Chairperson Patricia Licuanan.
Sa gitna ito ng umano’y panggigiit ni Licuanan na mananatili siya sa pwesto kahit pa pinagbitiw na ito ng Pangulong Duterte.
Sa liham na nakatakdang ipadala sa Pangulo, sinabi ni CHED Executive Director Julito Vitriolo na dapat mayroong OIC sa ahensya.
Hiniling din kay Duterte na payagan ang sinumang itatalagang OIC na katawanin ang CHED sa mga cabinet meeting upang matugunan ng mas maayos ang mga usapin sa higher education.
Taong 2010 pa nang maupo sa CHED si Licuanan at mayroon itong fixed term na sa July 2018 pa nakatakdang mapaso.
By: Meann Tanbio
