Itinanghal sa ika-limang pagkakataon ang Davao City bilang Most Child Friendly City.
Ang presidential award ay ibinigay mismo ng Pangulong Rodrigo Duterte sa mga opisyal ng Department of Social Welfare and Development (DSWD) sa isang seremonya sa Malacañang.
Nanalo ang Davao City bilang Most Child Friendly City sa ilalim ng highly urbanized category na una nang napasakamay ng lungsod noong mga taong 1998, 1999, 2013 at 2014.
Binigyang diin ni Mayor Sara Duterte-Carpio na ang nasabing pagkilala ay patunay ng positibong resulta ng mga programa at proyekto sa lokal na pamahalaan partikular na ang pagbibigay proteksyon sa mga kabataan.
By Judith Larino | Jandi Esteban
