Wala pang natatanggap na formal request ang Philippine National Police (PNP) mula sa Department of Justice (DOJ) kaugnay sa posibleng tatlong buwang extension ng Special Action Force sa NBP o New Bilibid Prison.
Sinabi ni PNP Spokesman Senior Supt. Dionardo Carlos na pag-aaralan nila ang usapin kapag napasakamay na ng request mula sa DOJ.
Muling tiniyak ni Carlos na ibibigay nila ang lahat ng kayang tulong ng PNP para masugpo ang iligal na droga sa bansa.
Mahigit 400 SAF troopers ang nagbabantay sa loob ng NBP.
By Judith Larino | Jonathan Andal (Patrol 31)
