Kinantyawan nina dating NBA superstar Scottie Pippen at Dennis Rodman ang Golden State Warriors matapos na bigong makuha ang kampeonato ngayong taon.
Ayon kay Rodman, kahit nalagpasan ng Warriors ang record ng Chicago Bulls na may 73 wins at 9 loss, hindi pa rin nila mapapantayan ang Bulls noong taong 1995 hanggang 1996 dahil kahit na mayroon silang record na 72 wins at 10 loss ay nakuha naman nila ang ikaapat na NBA championship matapos talunin noon ang Seattle Supersonics.
Ayon naman kay Pippen, kaparehas ng Warriors noon ang Bulls na dominante ang laro subalit ang kaibahan ay nag-kampeon sila.
Dagdag pa nito na kahit anong record ang ipakita ng koponan sa regular season, ang mahalaga aniya ay ang pagkuha ng kampeonato.
By Mariboy Ysibido
