Sinunog ng dalawang hindi pa nakikilalang armadong lalaki ang isang Vote Counting Machine sa bayan ng Jones sa Isabela.
Ayon kay election officer Darius Perdines, inihahatid na pabalik ng munisipyo ang nasabing VCM nang harangin ng dalawang armadong lalaki ang truck na may lulan nito kaninang ala-6 ng umaga.
Kinuha umano ng mga salarin ang susi ng truck at saka sinunog ang VCM bago sila nagsitakas.
Samantala, tanging ang mga barangay Dicamay 1 at Dicamay 2 pa lamang ang nakakapagtransmit ng resulta dahil sa mahinang signal sa lugar.
Magugunitang ang bayan ng Jones lamang ang tanging lugar sa region 2 na isinailalim sa red hotspot category ang pulisya dahil sa matinding labanan sa pulitika.