Target ni incoming Presidential Communications Office Undersecretary Lorraine Badoy na magsilbing tulay sa pagitan nila Pangulong Rodrigo Duterte at ng mga mamamahayag.
Ito ang inihayag ni Usec. Badoy kasunod ng kaniyang kumpirmasyon na tinanggihan niya ang alok ni Secretary Martin Andanar na magsilbi siyang tagapagsalita ng PCOO.
Tiwala si Usec. Badoy na malaki ang ginagampanang tungkulin ng social media lalo na’t mailalapit aniya nito ang Pangulo sa mga mamamayan ngunit hindi na niya kailangan pang maging tagapagsalita ng tanggapan.
Sa sandaling maupo na si Usec. Badoy sa PCOO, tiyak na mapapasailalim nito ang tanggapan ni Assistant Secretary Mocha Uson na kabilang din sa social media team ng Palasyo.
