Sinupalpal ni US President-elect Donald Trump ang United Nations matapos ang kontrobersyal nitong boto na kumukondena sa Israeli settlements sa West Bank at East Jerusalem.
Kinuwestyon ni Trump ang naging desisyon ng 14 na bansang miyembro ng UN Security Council na bumoto pabor sa resolution 2334 habang nag-abstain ang Amerika.
Nangangahulugan ito na walang karapatan ang Israel na okupahin ang West Bank at ilang teritoryong inaangkin naman ng Palestine.
Ang pasya ng Obama administration na mag-abstain mula sa UN vote ang nag-udyok naman kay Trump na igiit na gamitin ng Estados Unidos ang veto power nito bilang permanent member ng security-council.
Ayon sa incoming US President, may malaki sanang potensyal ang United Nations subalit nagiging samahan na lamang ito ng mga taong nais mag-usap at magpalipas ng oras.
Ibinabala naman ni Trump na mag-iiba na ang sitwasyon pagpasok ng Enero 21 o sa oras na opisyal siyang umupo sa White House.
By Drew Nacino