Iginiit ng Malakanyang na kwentong kutsero o tsismis lamang ang ulat ng Vera Files hinggil sa tagong yaman umano ng anak ni Pangulong Duterte na si Davao City Mayor Sara Duterte.
Batay sa inilathala ng Vera Files , bigo umanong maideklara ni Mayor Sara sa kanyang SALN o Statement of Assets Liabilities and Networth ang nasa isangdaang milyong Pisong investment nito.
Giit pa ni Roque , ‘rehashed’ o luma na ang nasabing alegasyon na una nang inilabas ni Senador Antonio Trillanes nuong panahon ng kampanya.
Hinamon din Ni roque ang mga kritiko na maglabas ang mga ito ng dokumento galing sa AMLAC o Anti – Money Laundering Council kalakip ang sertipikasyon na nagsasabing totoo ang bank statement.
