Nilinaw ng Armed Forces of the Philippines o AFP na hindi pa beripikado ang ulat na tinatayang isandaang (100) foreign Jihadist ang nasa bansa.
Ayon kay AFP Spokesman, Major General Restituto Padilla, hindi nila mabatid kung saan nakuha ang impormasyon.
Bagaman may namo – monitor ang intelligence community na mga dayuhang terorista, walo lamang aniya ang beripikadong nakapasok sa bansa.
‘Yan ay patuloy na ginagawa ng lahat ng ating mga ahensya at ‘yan ay bilang pagbabantay upang maging pro – active tayo lahat ng ating mga lugar dito sa buong kapuluan, kung saan maaaring nagtatago upang magsagawa… maaaring mayroong pang iilan pang natitira.
Maaari aniyang may ilang foreign Jihadist na kasama ang bangsamoro Islamic Freedom Fighters o BIFF sa Maguindanao at North Cotabato, subalit tiyak namang hindi aabot ang mga ito sa isandaan.
Maaari… maaari kasi ito na ‘yung pinakamalaking grupo na nananatili kasama ng mga natitirang miyembro ng ASG (Abu Sayyaf Group) na siyang nagpahiwatig ng kanilang Daesh o ISIS na tinatawag at ‘yan ang mga bagay at mga lugar ng Maguindanao, ng Cotabato sa ilalim ng area of responsibility ng 6th Infantry Division, sa ilalim ni Major General Dela Vega.
Naglunsad ng panibagong operasyon, patuloy na operasyon na ginagawa natin sa ilang lugar dyan upang matukoy at matugunan, at ma – address itong mga bantang nanggagaling.