Nanawagan si Senador Bam Aquino sa Malacañang na muling pag-aralan ang pagsusulong ng ikalawang bahagi ng Tax Reform for Acceleration and Inclusion o TRAIN 2.
Ayon kay Aquino, sa oras na maipatupad ang TRAIN 2, nanganganib na mawalan ng trabaho ang maraming Pilipino.
Paliwanag ng senador, sa TRAIN 2 ay tatanggalan na ng tax incentives ang maraming negosyo kung saan partikular na puntirya dito ang mga kumpaniya na accredited sa Philippine Economic Zone Authority o PEZA.
Dahil dito maaaring magdesisyong umalis na lamang ang mga ito na magiging dahilan ng pagkawala ng trabaho ng marami.
Bukod dito, ayon kay Bam, nanganganib din na hindi na tumuloy pa sa pagnenegosyo ang mga inimbitahang investors sa kapag nalaman nilang mawawalan na sila ng insentibo.
—-