Sinuspinde na ng Malakanyang ang trabaho sa gobyerno sa Disyembre 26, 2017 at Enero 2 taong 2018.
Alinsunod sa Memorandum Circular 37 na nilagdaan noong Miyerkules ni Executive Secretary Salvador Medialdea sa pahintulot ni pangulong Rodrigo Duterte, bibigyan ng pagkakataon ang mga nasa gobyerno na ipagdiwang ng mas matagal ang Pasko’t Bagong Taon.
Bukod sa mga nagta – trabaho sa pamahalaan, saklaw din ng kautusan ang mga nasa government – owned controlled corporation, state universities and colleges (SUC’s) at local government units (LGU’s).
Sa ilalim ng batas ay deklaradong regular holiday ang Pasko, Disyembre 25 at bagong taon, Enero 1.
Nangangahulugan ito na magkakaroon ng tig – dalawang araw na bakasyon o Disyembre 25 hanggang 26 at Enero 1 at 2, 2018 ang mga government employee.
(Ulat ni Patrol 17 Jopel Pelenio)
Palace suspends work in government offices, GOCCs, state universities and colleges for Dec. 26, 2017 and Jan. 2, 2018. | via @jopel17 pic.twitter.com/iHi5KzFNU2
— DWIZ Newscenter (@dwiz882) December 14, 2017