Inilabas na ng Star Cinema ang unang pasilip sa bagong pelikula nina Kathryn Bernardo at Daniel Padilla na “Barcelona: A Love Untold.”
Inabangan at naghayag ng excitement ang mga fans bago pa man ilabas ang teaser na umabot sa higit 1 million mentions sa Twitter.
Sa video, makikita ang pagkukrus ng landas ng mga karakter nina Ely (Padilla) at Mia (Bernardo) habang nasa Barcelona.
Halos lahat ng eksena sa pelikula ay kinunan sa cosmopolitan capital ng Spain na Catalonia region.
Sa direksyon ng award-winning filmmaker na si Olivia Lamasan, inaasahang mas ‘mature’ roles ang gagampanan ng KathNiel sa pelikula.
Matatandaang sinabi ng loveteam na ipapakita rito ang hirap at sakripisyo na tumira at magtrabaho sa ibang bansa partikular sa mga kabataan.
Sa ngayon ay wala pang release date ang pelikula.
Video Courtesy: Star Cinema/Youtube
Photo: Screengrab from kathryn bernardo/ Instagram
