Nabalot ng tensyon ang punong tanggapan ng NHA o National Housing Authority matapos lusubin ng mga miyembro ng Kadamay.
Pinagdikistahan ng Kadamay kasama ang iba pang militanteng grupo ang gate ng ahensya na pinagtatanggal ang letra ng signage ng NHA at sinabuyan pa ito ng pintura.
Hiniling ng protesters na bawiin na ang eviction notice na inilagay sa mga pabahay na inukupa nila sa Bulacan.
Hindi naman hinarap ng sinumang opisyal o kinatawan ng nha ang mga protester na nagtungo naman sa Mendiola kung saan ipinagpatuloy ang kanilang kilos protesta.
DSWD ipagpapatuloy ang assistance at family food packs sa mga miyembro ng Kadamay
Patuloy na bibigyan ng assistance at family food packs ng DSWD o Department of Social Welfare and Development ang mga miyembro ng Kadamay na umukupa sa housing units sa Pandi, Bulacan.
Ipinabatid ito ni DSWD Secretary Judy Taguiwalo dahil ayaw niyang maulit ang Kidapawan incident noong Abril 2016 kung kailan nasawi ang isang magsasaka at 13 iba pa ang sugatan nang i-disperse ng mga otoridad ang kanilang protest action.
Sinabi ni Taguiwalo na tuluy-tuloy ang assistance nila sa mga miyembro ng Kadamay, base na rin sa mga panuntunang itinakda ng tanggapan.
Kasabay nito, nilinaw ni Taguiwalo na binigyan din nila ng assistance ang mga lehitimong relocatees sa Pandi.
Magugunitang inukupa ng mga miyembro ng Kadamay ang housing units sa Pandi Residence 3, pandi Village 2 at Padre Pio.
By Judith Larino