Iniimbestigahan na ng mga awtoridad ang sumadsad na Chinese vessel sa Matnog, Sorsogon.
Ito ay matapos na makuha malapit sa karagatan malapit sa naturang bangka ang 125 milyong halaga ng cocaine na nakasilid sa isang drum.
Muling magsasagawa ng inspeksyon ang Philippine Coast Guard at iba pang mga ahensya ng gobyerno upang siyasatin kung nagmula ba sa naturang bangka ang mga nakuhang iligal na droga.
Dumadaan lamang sa karagatan ng Pilipinas ang Jin Ming 16 na nagmula sa China patungo sa Chile nang pasukin ng malalaking alon ang bangka.
Binigyang diin ng PCG na unfit o hindi maaring lumalaot sa international waters ang naturang bangka dahil maliit ito at puno ng kalawang at sira.
—-