Inilabas na ng JBC o Judicial and Bar Council ang shortlist para sa mga bakanteng posisyon sa Sandiganbayan at Court of Appeals (CA).
Pasok sa shortlist para sa bakanteng posisyon makaraan ang promotion ni Justice Samuel Martires sa Korte Suprema noong Marso ay sina Judges Mary Ann Corpus – Mañalac (Makati City Regional Trial Court), Kevin Narce Vivero (Antipolo Regional Trial Court), Olivia Escubio – Samar (Malolos Regional Trial Court), Rosanna Fe Romero – Maglaya (Quezon City Regional Trial Court) at Atty. Josephine Capio Caranzo.
Kabilang naman sa mga nominado sa CA post na binakante ni ngayo’y Supreme Court Justice Noel Tijam sina Quezon City Regional Trial Court Judge Mary Angelene Quimpo Sale, Manila Regional Trial Court Judge Ma. Celestina Cruz – Mangrobang at mga abogadong sina Walter Ong at Merianthe Pacita Zuraek.
Ang naturang shortlist ay isusumite ng JBC kay Pangulong Rodrigo Duterte, na siyang gagawa ng final appointment.
