Iginiit ni Senate Committee on Health Vice Chairman Risa Hontiveros ang pagpapanagot sa manufacturer ng dengvaxia dengue vaccine na Sanofi Pasteur at ilang opisyal ng Department of Health o DOH.
Kasunod ito ng anunsyo ng Sanofi na posibleng magkaroon ng mas malalang sakit ang mga nabakunahan ng dengvaxia na hindi pa kailanman nagkaroon ng dengue.
Ayon kay Hontiveros, dapat sagutin ng Sanofi ang legal at ethical responsiblity at pangangailangan pangkalusugan ng mga batang naturukan ng dengvaxia.
Pinagpapaliwanag din ni Hontiveros ang DOH kung paano nabili ang mga nasabing dengue vaccine at kung bakit tila hindi nila pinakinggan ang mga babala ng mga medical experts hingil sa panganib nito.
Dagdag ng senador, isang matinding kapabayaan at maituturing na kasong kriminal ang pagpapatupad ng vaccination program na mas nagdudulot ng panganib sa halip na proteksyon.
Nanawagan din si Hontiveros sa pagbuo ng isang Luzon-Cebuwide data base para matukoy at mamonitor ang nasa 700,000 mga bata na naturukan ng dengvaxia.
(Ulat ni Cely Bueno)