Ikinalugod ni Senador Bam Aquino ang hakbang ng simbahang Katolika na pangunahan ang panawagan na ihinto na ang patayan sa paniwalang ito ang daan upang matamo ang paghilom ng sugat ng bansa.
Ayon kay Aquino, bilang mga Kristiyano at Pilipino, sang-ayon sila sa panawagan ng simbahan na itigil na ang patayan at simulan na ang paghilom ng ating bayan.
Magugunitang isang misa ang idinaos noong Linggo sa EDSA Shrine na may temang “Lord heal our land.”
Isa ang Senador sa mga miyembro ng oposisyon na tumugon sa panawagan ng simbahan para sa paghilom ng bansa at kabilang sa mga lumahok sa prusisyon patungong People Power Monument kung saan isang panalangin ang inialay para sa mga napatay sa war on drugs.