Sinabi ni Senador Chiz Escudero na hindi pa siya kumbinsido na walang kinalaman si Justice Secretary Vitaliano Aguirre sa bribery scandal sa Immigration Bureau.
Sinabi ito ni Escudero sa kabila ng pag-abswelto ni Retired Police Superintendent Wally Sombrero kay Aguirre sa isyu ng suhulan sa ahensya.
Ayon kay Escudero na kahit pa nilinis ni Sombero ang pangalan ni Aguirre sa naturang kontrobersya, hindi agarang masasabi na off the hook na ang kalihim.
Nais muna ni Escudero na makaharap at matanong si Sombrero para masuri at madetermina ang sasabihin o magiging testimonya nito.
Para kay Escudero, ngayon pang merong mga tanong na hindi pa maayos na nasasagot ni Aguirre sa pagtestify nito sa imbestigasyon ng Blue Ribbon Committee, kwinestyon din ni Escudero kung bakit itinalaga ni Sombero si dating Immigration Associate Commissioner Al Argosino para humarap kay Gambling Tycoon Jack Lam sa halip na si Commissioner Jaime Morente.
Kaugnay nito, nais ding malaman ni Escudero kung bakit binigyan ng instruction si Sombero na kina Argosino at kay kapwa nito Deputy Commissioner Michael Robles makipagusap sa halip na kay Immigration Intelligence Chief Charles Calima.
By Avee Devierte / Cely Bueno (Patrol 19)