Hindi pa rin dapat magpaka-kampante ang kumpaniyang Sanofi Pasteur sa kontrobersiyang kinasasangkutan nito kaugnay ng Anti-Dengue Vaccination Program ng pamahalaan.
Ito’y ayon sa Malakaniyang matapos na tumanggi ang naturang kumpaniya sa hirit na full refund sa tatlo’t kalahating bilyong Pisong bakuna na binili sa kanila ng pamahalaan.
Ayon kay Presidential Spokesman Harry Roque, hindi pa rin ligtas ang Sanofi kahit lumabas sa pag-aaral ng UP-PGH na wala umanong kinalaman ang Dengvaxia sa pagkamatay ng mga batang naturukan nito subalit nagkaroon ng severe dengue.
Giit ng kalihim, kasalukuyan pa ring umaandar ang iba pang imbestigasyong ginagawa ng Kongreso, DOJ at NBI kaya’t hindi pa dapat maglabas ng anumang mga konslusyon dito ang Sanofi na ligtas na sila sa kaso.
Ulat ni DWIZ Patrol Reporter Jopel Pelenio
Posted by: Robert Eugenio