Magaling na at balik na sa pagkanta ang Grammy winner at soul sensation na si Sam Smith, 6 na linggo matapos ang kanyang vocal surgery.
Sa instagram post ng 23-year old British singer na may mensaheng “I’m back”, makikita ang isang short video nito habang kumakanta ng Can’t Help Falling in Love ni Elvis Presley.
Una nang inanusyo ng singer na muli siyang magpe-perform sa darating na July 3 sa isang festival sa England Thetford Forest.
Ilan din sa mga upcoming shows ni Smith ay sa Switzerland at Chicago.
Matatandaang kinansela ang mga shows ng singer dahil sa vocal cord hemorrhage at pinayuhan ng mga doktor na sumailalim sa operasyon.
By Aiza Rendon
