Dapat tingnan din ng mga mambabatas ang hamon kay Supreme Court Chief Justice on leave Maria Lourdes Sereno hinggil sa wastong paglalabas ng kaniyang SAL-N o Statement of Assets, Liabilities and Networth.
Ito ang pasaring ni NUPL o National Union of People’s Lawyers Chairman Atty. Neri Colmenares kasunod ng kinahaharap na impeachment case ng nakabakasyong punong mahistrado.
Dapat aniyang sundin na ng lahat ng opisyal ng pamahalaan maging ito man ay halal o hindi na ideklara ng tama ang kanilang SAL-N mula nang mapatalsik sa puwesto si yumaong Dating Chief Justice Renato Corona.
Hamon pa ni Colmenares, dapat detalyado ang mga isususmiteng SAL-N ng lahat ng mga nasa gobyerno sa isang online report na maaaring makita ng publiko para masuri at mabusisi.
