Tinatayang 20 katao ang nasawi sa panibagong airstrike ng Russia sa Aleppo City, Syria.
Target ng Russian air force katuwang ang Syrian Army ang major supply lines sa mga lugar na kinubkob ng mga rebelled partikular sa Castello Road at Malah District sa gitna ng patuloy na bakbakan sa lungsod.
Layunin ng pag-atake na mabawi ang camp handarat sa Aleppo sa kamay ng mga rebelde.
Pinaulanan ng bomba ang lungsod at pinaka-matinding napinsala ang isang ospital sa Suleiman Al-Halabi district.
Samantala, binalaan ng Russia ang Amerika sa paglulunsad ng panibagong pag-atake sa Syrian Forces na posible umanong magresulta sa mas malaking gulo hindi lamang sa Syria kundi sa buong Middle East.
By: Drew Nacino