Hinahanap ngayon ng militar ang isang Abu Dar na sinasabing nagrerecruit ngayon ng mga indibidwal sa Lanao Del Sur upang lumaban para sa ISIS.
Ayon kay Western Mindanao Command Lt. Gen Carlito Galvez, pinapakalat ni Abu Dar sa social media ang mga litrato ng pagkasira ng marawi city at nanawagan sa publiko na maging islamic militant.
Sinabi ni Galvez na wala talagang kadala-dala ang mga teroristang ito kahit pa napabagsak na ng militar ang mga lider nilang sina Isnilon Hapilon at Omar Maute.
Nitong Oktubre 11 naaresto sa Taguig City ang isa ring ISIS recruiter na si Karen Aisha Hamidon, 36 anyos.
