Patay ang isang radio broadcaster sa Dumaguete City matapos itong tambangan.
Base sa inisyal na imbestigasyon ng Dumaguete City Police, nasa biyahe ang biktimang si Dindo Generoso nang bigla itong pagbabarilin ng hindi pa mga nakikilalang suspek.
Ayon pa sa report, tadtad ng bala ang sinasakyang kotse ng biktima.
Sa ngayon ay patuloy na inaalam ng mga otoridad ang pagkakakilanlan ng mga suspek at ang kanilang motibo sa pananambang.
Magugunitang tumakbo bilang Alkalde ng Dumaguete City si Generoso noong 2016 elections.