Walang pasok ngayong Lunes ang mga paaralan sa Isabela dahil sa bagyong Carina.
Ayon kay Ronald Villa, Civil Defense Officer ng Region 2-office of Civil Defense, suspendido ang pasok mula Kindergarten hanggang High level.
pinabatid ni Villa na sakop ng Class Suspension ang mga pribado at pampublikong eskwelahan sa Isabela.
Samantala, suspendido rin ang Pasok sa lahat ng antas sa Cagayan.
Kaugnay dito, ikinasa na ang pre-emptive evacuation sa ilang residente sa bayan ng Gonzaga sa Cagayan, bunsod ng pananalasa ng bagyong Carina.
Ayon kay NDRRMC Executive Director Ricardo Jalad, layon nito na maiiwas ang mga residente sa panganib na maaaring dala ng bagyo.
Una nang nagbabala ang NDRRMC na makararanas ng malakas na pag-ulan ang Cagayan dahil sa bagyo.
By: Meann Tanbio
