Hindi natatakot si Vice President Jejomar Binay kung matuloy sa pagtakbo sa pagka-Pangulo si Senadora Grace Poe sa 2016 elections.
Ayon kay Binay, hindi niya itinuturing na banta ang posibleng pagkandidato ni Poe sa Panguluhan at mas mainam aniya ito upang may mapagpilian ang taumbayan.
Samantala, binigyang diin ni Binay na hindi desperado ang United Nationalist Alliance sa paglalantad sa isyu ng residency ni Poe.
Nilinaw din ni Binay na wala siyang balak kwestyunin sa korte ang residency at citizenship ni Poe.
Anti-Political dynasty
Tutol si Vice President Jejomar Binay sa panukalang Anti-political dynasty.
Ayon kay Binay hindi dapat pigilan ang isang tao na maglingkod sa publiko dahil lamang sa may mga kamag-anak na itong nasa puwesto.
Binigyang diin ni Binay na hindi naman kasiguraduhan na mananalo na ang isang kandidatong produkto ng political dynasty dahil sa taumbayan pa rin aniya ang magde-desisyon dito.
By Ralph Obina
